Dr Gerrit Brand, journalist, philosopher and theologian at the Faculty of Theology, Stellenbosch University, passed away on Tuesday 5 March. Dr Danie du Toit will lead the memorial service on Saturday 9 March at 10:00 in the DRC Moederkerk, Drostdy Street, Stellenbosch.

 Braam Hanekom

 Voorsitter van die Moderamen

NGK Sinode van Wes-en-Suid-Kaapland

Ben du Toit

Sentrum vir Kommunikasie

Privaatsak X8, Bellville, 7535
Tel: 021 957 7195
Faks: 021 957 7197
kommunikasie@kaapkerk.co.za

Gerrit is Maandagnag 5 Maart 2013 in Stellenbosch oorlede. Hy het ’n breingewas gehad. Sedertdien word sy dood, soos die opskrifte in die media dit tereg gestel het, “wyd betreur”. Van oraloor stroom boodskappe van meegevoel en innige meelewing met sy vrou Lucia en hulle twee seuns Simon (14) en Arend (11) in, asook roerende woorde van waardering vir Gerrit se menswees en werk.

In die Fakulteit Teologie aan die Universiteit van Stellenbosch – waar Gerrit sedert Augustus 2009 senior dosent in sistematiese teologie was – het die studente die inisiatief geneem en reeds voor sy dood ’n boek beskikbaar gestel waarin studente en kollegas hulle indrukke van Gerrit kon neerpen. Hieruit blyk duidelik dat hy ’n onuitwisbare en betekenisvolle merk gelaat het, as akademikus én mens.

Gerrit was ’n skerp, oorspronklike en diepsinnige denker; hy kon inderdaad dink. Sy wydgelese blog op LitNet was nie verniet DinkNet genoem nie. ’n Filosoof van Stellenbosch het dit onlangs raak verwoord: “Gerrit was in vele opsigte ’n onkonvensionele mens en denker. Daardeur het hy daarin geslaag om gevestigde idees en geroetineerde kodes uit te daag en te onderwerp aan die insigtelike uitsuiwering van behoorlike wysgerige en teologiese refleksie”. En by die teologiese fakulteit kon ons sien hoe hy studente se denkgewoontes gevorm het deur hulle te leer – ook deur die voorbeeld van sy eie denkpraktyk – om logies en teologies te dink. In hierdie opsig is Gerrit waarskynlik self gevorm deur sy blootstelling aan sowel teologie as filosofie, en kan sy benadering tereg as ’n vorm van filosofiese teologie beskryf word.  Voordat Gerrit boeke-redakteur by Die Burger in 2005 geword het, was hy dan ook vir ’n aantal jare ’n ná-doktorale navorsingsgenoot by die Departement Filosofie op Stellenbosch.

Sy akademiese vorming is verder onmiskenbaar gestempel deur sy tyd as doktorale student aan die Ryksuniversiteit in Utrecht, Nederland (1998-2002). Die Suid-Afrikaans-gebore filosoof, Vincent Brümmer, was sy studieleier en akademiese mentor. In 2012 het Gerrit nog, tesame met Nederlandse kollegas, ’n spesiale feesuitgawe van die Nederduitse Gereformeerde Teologiese Tydskrif (’n teologiese tydskrif waarvan Gerrit die laaste aantal jare die redakteur was) geïnisieer wat ter herdenking van Brümmer se 80ste verjaarsdag verskyn het. Gerrit se eie artikel in hierdie huldigingsbundel het gehandel oor “Om God in goed en kwaad raak te sien: Oor twee vorme van teodisee”.  Dit is moeilik om nie dié artikel te lees sonder om aangegryp te word deur die wete dat hierdie artikel oor die vraag na God en lyding nie as blote intellektuele spekulasie geskryf is nie, maar dat dit te midde van ’n eksistensiële worsteling met die diepste lewensvrae beslag gekry.

Gerrit se eerlike omgang met die lewe, tesame met sy formidabele intellek en verfrissende humorsin, het hom ’n wonderlike gespreksgenoot gemaak. As kollega van Gerrit was ek bevoorreg om iets hiervan die laaste aantal jare te beleef, ook as gevolg van ons gewoonte om sommige middae hier rondom 14:00 vinnig van die kantoor na “Mill coffee house” in Dorpstraat weg te glip. Dié gesprekke daar sal my bybly, net soos talle van Gerrit se vriende oor baie jare heen van verrykende en vormende interaksies met hom kan getuig.

Gerrit was nie net ’n helder denker en onderhoudende gespreksgenoot nie; hy was ook ’n knap teoloog wat sowel kritiese afstand en partikuliere verbintenisse ernstig opgeneem het. Sy teologie het hy nie in ’n ahistoriese en kontekslose vakuum bedryf nie. Nee, hy het geglo dat ’n mens vanuit ’n bepaalde konkrete gelokaliseerdheid aan diskoerse wat in die brandpunt staan, deelneem (sy gereelde rubriek in die Nederlandse Maandblad Zuid-Afrika heet dan ook, met slim woordspeling, Brandpunte). Oor sy eie partikuliere gesitueerdheid skryf hy in sy proefskrif, gepubliseer as Speaking of a Fabulous Ghost: In Search of Theological Criteria, with Special Reference to the Debate on Salvation in African Christian Theology (Frankfurt: Peter Lang, 2002), soos volg: “In this case the author is an Afrikaans speaking South African, living in a post-apartheid South Africa, whose fore bearers include German missionaries and Malagasy slaves. I was born and bred in the Afrikaner tradition and am heir to both the emancipatory and oppressive elements of that particular history”. (Oor die tema van die kontekstualiteit van teologie, en ander verbandhoudende temas, is dit die moeite werd om die “sendbriewe” tussen Gerrit en sy vriend Murray Hofmeyr, wat in 2003 op LitNet verskyn het, te (her)lees.)

Dit is in die gees van sy verstaan van partikulariteit (en pluraliteit) dat sy welbekende pleidooi vir Afrikaans én meertaligheid verstaan moet word. Gerrit was ’n groot voorstander van moedertaalonderrig en sy duidelik standpunte in die verband het heelwat gesprek uitgelok. Gerrit, wat ook vir ’n aantal jare medewerker van die Taalsekretariaat was, se “taalstryd” het myns insiens nie los gestaan van sy verstaan van diversiteit en geregtigheid nie. Dit was geen bedompige, wettiese en ongasvrye taalpurisme nie. Hy het sy Afrika-identiteit (of eerder “gemengde identiteit”) omhels. Daarom sy liefde vir Breyten Breytenbach se woorde: “Ons is ’n bastervolk met ’n bastertaal. Ons aard is basterskap. Dis goed en mooi so”. In dié (baster)taal het Gerrit dan graag geskryf, in ’n wye verskeidenheid van genres en publikasies; van sy kindergedig “Die Krokodil” in Nuwe Kinderverseboek (geredigeer deur Riana Scheepers en Suzette Kotzé-Myburg) tot by sy akademiese artikels in portuur-geëvalueerde akademiese tydskrifte, met heelwat blogs, briewe, gedigte en rubrieke tussen-in). Hy borg selfs ondermeer die woord “reikhals” in ’n projek van dieWoordeboek van die Afrikaanse Taal (WAT).

Maar Gerrit was ook in ’n teologiese sin ’n taal- en woordmens. Vir hom is teologiese refleksie ten diepste taalmatig, en dra dit ’n gesprekskarakter. Hy het teologie as die studie en kritiese ontleding van hoe daar oor God gepraat ís, gepraat wórd, en gepraat sou kán word, beskou. Die sistematiese teoloog moet besig wees met die vraag hoe die Christelike geloof op ’n verstaanbare, samehangende, geloofwaardige, tersake en toereikende manier (her)verwoord word sodat dit vandag tot die kerk, die akademiese gemeenskap en die breër samelewing kan spreek.

Gerrit het woorde en die vreemde teenwoordigheid van die Transendente as ten nouste verbonde gesien. Oor die Woordfees op Stellenbosch, met die tema vanjaar van “hemels”, sou hy dus baie te sê gehad het, weliswaar op ’n soekende manier, diep-bewus van die beperkinge van ons (teologiese) taal oor God, metafisika en die hiernamaals. In een van die bydraes tot sy gereelde rubriek in Die Kerkbode eindig hy ’n meditasie oor die frase “ ter helle neergedaal” in die Apostoliese Geloofsbelydenis soos volg: “Omdat Christus van God verlate was, is God ook ‘deur donker dieptes’ (Psalm 23) by ons, is ons nóóit alleen nie … As ons selfs in ons God verlatenheid nie van God verlate is nie, maar in Christus (Rom 6:13), dan het selfs Christus ons ook nie agtergelaat toe Hy ‘op die derde dag weer opgevaar het na die hemel nie’ … Christus red ons nie ván die liggaamlike lewe nie, maar vír die lewe, ‘en dit in oorvloed’ (Joh 10:10)”.

Gerrit het begrip vir die noodsaaklikheid, maar ook die ontoereikendheid van ons spreke oor God gehad, vir die aarselende soeke na verwoording en beliggaming in die lig van die Woord wat vlees geword het. In dié verband kom ’n aantal versreëls by my op uit die lied “The Window”, ’n lied van die Kanadese digter, liedskrywer en sanger Leonard Cohen (na wie se musiek Gerrit graag geluister het):

“They lay your rose on the fire

The fire give up to the sun

The sun give over to splendor

In the arms of the Holy One

For the Holy One dreams of a letter

Dreams of a letter’s death

Oh bless the continuous stutter

Of the word being made into flesh”.

Gerrit is op 27 Junie 1970 gebore en hy het in Pretoria opgegroei. Hier het hy vir Lucia ontmoet, en aan die Universiteit van Pretoria studeer waar hy die grade BA, BD, Hons en MDiv behaal het. Hierna het hulle ’n aantal jare in Utrecht deurgebring, waar Gerrit dan ook sy doktorsgraad cum laude verwerf het. En die laaste aantal jare het hulle as gesin op Stellenbosch gebly, en Gerrit het dikwels gepraat oor hoeveel vreugde hy uit sy werk by die teologiese fakulteit put. Na Gerrit se dood het heelwat vriende hulle ervaring verwoord dat Gerrit te vroeg en te jonk dood is; hulle sou graag saam met hom wou oud word. Hoewel dit nie vir ons beskore is nie, sal sy ryk nalatenskap op talle maniere voortleef.

Dit is nie baie dat ’n mens iemand kry wat ’n vlymskerp intellek het nie, en daarmee saam ’n onverskrokke waarheidsoeke, ’n goedontwikkelde sin vir geregtigheid, en ’n innemende, nederige en sagmoedige geaardheid. Maar Gerrit Brand was so ’n méns.

Robert Vosloo (kollega en vriend)

Hierdie huldeblyk het eerste verskyn op LitNet, www.litnet.co.za

Related Posts:

• No Related Posts

A Brief Review of

Read the review by Greg Richardson on Englewood Book Review.

… dat toe Jesus in Betlehem gebore is, God deur hierdie Kind met die wêreld kom praat het… dat Hy Homself só weerloos aan die skepping blootgestel het… dat dít (Hy) die Woord van God was wat ondubbelsinnig wou kom sê: God is liefde; God is genadig; God is barmhartig; God is ook ál hierdie dinge in die wêreld deur ons… dat jy en jou menswees (mos óók gebore) vir God ‘n wonderlike vreugde is… dat hierdie Ewige God Homself aan jou verbind het (doop)… dat Hy sy spore voor jou uit trap waarin jy kan volg sodat, as jy agtertoe kyk, mens net een ry sien? Sal jy dit onthou en dít jou vrede gee? Vir wat ook al volg?

A. SINODALE NUUS

1. Nuus uit die Algemene Sinode

1.1 Kerke praat ernstig oor ons Land

Die Suid-Afrikaanse Raad van Kerke, The Evangelical Alliance of South Africa, Africa Enterprise en Kairos SA (wat die meeste kerke in ons land verteenwoordig) het ‘n verklaring opgestel wat aan die president, regering, opposisie partye, ekonomiese leiers, vakbonde, ens gestuur word. Hierin word oor ons land en toekoms gepraat. Die verklaring het ‘n embargo op tot Donderdagaand. Eers word dit aan die bedoelde adressate gestuur. Dit sal Vrydagoggend (8 Desember) op die NG Kerk-webblad by www.ngkerk.co.za onder Wat is nuut? beskikbaar wees.

1.2 Gebed vir ons Land

Kerke en Christene word versoek om hande te vat in gebed met die oog op ons land. Daar word gevra dat eerskomende Sondag, 9 Desember, asook, maar in besonder, Sondag 16 Desember ingerig word as gebedsgeleentheid. Hoe dit gedoen word, word aan elke gemeente se eie oordeel oorgelaat. ‘n Gebedsgids (ongelukkig net in Engels) wat deur The Evangelical Alliance of South Africa opgestel is, is beskikbaar by www.kaapkerk.co.za vir gebruik na goeddunke.

2. KGA: Op die Spore van Sending in Malawi

Vier kinders van oud-sendelinge van Malawi het onlangs per motorfiets daar besoek gaan aflê en onder andere die spore van hulle voorouers nageloop. TV-regisseur, Jan Horn was daar om dit in ‘n buitengewoon insiggewende dokumentêre program, Legacy, op film vas te lê. Dit word Sondagoggend, 9 Desember om 09:00 uitgesaai op SABC 2 se Issues of Faith. Lees meer daaroor op die KGA-webwerf bywww.kga.org.za.

3. NGK Wes-Kaap Moderatuur: Kersgroete

Die Kersgroete wat die NGK Moderatuur vandeesweek aan gemeentes en predikante gestuur het, is by www.kaapkerk.co.za – Nuutste Gebeure: Uit die Moderatuur Kersfees 2012.

B. ALGEMENE NUUS EN INLIGTING

1. Ekumeniese Kerke oor Landbou Onrus

In ‘n verklaring deur die ekumeniese kerke in die Wes-Kaap na ‘n ontmoeting met rolspelers op 3 Desember rig die kerke hulle onder meer tot werkers/werknemers; landbouprodusente; georganiseerde landbou; die SA Polisie en die nasionale regering. Gemeentes word in die besonder opgeroep om deur ons verkondiging van die Evangelie en ons lewensvoorbeeld die menswaardigheid van mense as God se beelddraers deurgaans te beliggaam en bevorder. Die verklaring is by www.kaapkerk.co.za. Sien ook Ten Slotte.

2. Fresh Expressions of Church Kursus op pad na SA in 2013!

Ekklesia (Ekumeniese Sentrum vir leierskapontwikkeling en gemeentestudies aan die Teologiese Fakulteit US) saam met Communitas, gaan die hoofkursus Mission Shaped Ministry (MSM) van die Fresh Expressions beweging in Engeland gedurende 2013 in Kaapstad en George aanbied. Dit help kursusgangers om leiding te neem in die ontwikkeling van nuwe geloofsgemeenskappe en het daartoe gelei dat daar die afgelope 10 jaar meer as 2000 nuwe gemeentes in Engeland ontwikkel kon word. Klik hier vir meer inligting. Die datumlys is bywww.kaapkerk.co.za te lese.

3. Groeiende Bybelnood in Madagaskar

Wolf Cilliers van Madagaskar Sending skryf: Projek 5000 is in November suksesvol afgehandel. Weens verdere uitsonderlike groei van nuwe gemeentes, asook ‘n nuwe besending Bybels wat tans in druk is, is besluit om met Projek 5000-2 voort te gaan in die vertroue dat SA-gemeentes en gelowiges steeds sal hande vat om te help. Lees verder…

4. UV Teologie: Sertifikaatkursusse

Die Fakulteit Teologie (UOVS) in samewerking met Radio Tygerberg bied nou al etlike jare ‘n bekostigbare tweejarige sertifikaatkursus in Teologie en Bediening, sowel as ’n addisionele kursus in Bybelse Hebreeus aan. Lesings deur geordende predikante/pastore en welbekende teoloë word gedurende 2013 weekliks in die kerksaal van die NG Gemeente Bellville-Wes aangebied. Registrasie op 24 en 30 Januarie onderskeidelik. Belangstellendes kan hier lees.

5. Beradingskursus oor Trauma

Op Saterdag 9 Februarie bied prof Wentzel Coetzer ’n pastorale beradingskursus oor traumaberading aan. Die kursus duur van 08:00 – 13:00 en word op Potchefstroom aangebied. VBO-punte kan verdien word. Veral ons Noord-Kaap lesers sal waarskynlik hierin belangstel; klik hier vir meer besonderhede.

6. Snare van Hoop: Wenners van Kitare aangewys

Flam, Musikhaus W. Heuer in Stellenbosch, en LIG se opwindende kompetisie, Snare van Hoop, het in Oktober gesluit en 4 wenners is aangewys. Hulle is: die Tshitandani Care Foundation, ’n kindersorg-organisasie van Makhado (Louis Trichardt); André en Sanette Brink, twee kinderevangeliste wat in die Oos-Kaap rondom Mthatha werk; MTR Smit Kinderoord in Port Elizabeth en Vickeylee Jordaan van Potgietersrus. Besoek www.flam.co.za vir meer nuus.

7. Bybel-Media Produkte: Iets vir Almal

7.1 Begeleiding in Kersvakansie? Hier is Hulp!

Die jaarlikse Kersvakansie is om die draai – vir baie iets wonderliks om na uit te sien. Maar dis baie keer juis die tyd wanneer gemeentes en predikante hande in die hare sit: die orrelis gaan ook met vakansie. Wie gaan nou die gemeentesang begelei? BM herinner weer aan die CD-stel van gemeentesang-begeleidings wat die Sinodale Kommissie vir die Erediens in die Vrystaat in samewerking met Bybel-Media saamgestel het. Belangstellendes kan aangeheg meer lees.

7.2 Kersfees CD en Inkleurboek

Die wonderwerke van Jesus (nuut) – en nog ander lekker-luister stories is teen R85,00 beskikbaar. Dit bestaan uit ’n CD en inkleurboek vir kinders van 4 – 6 jaar oud. Kinders kan na die wonderwerke van Jesus op CD luister en daarna ’n prent van die wonderwerk inkleur. Besoekwww.bybelmedia.co.za vir meer inligting oor die produk. Direkte bestellings: bestel@bmedia.co.za | Deeloproepe: 0860 26 33 42 of 0860 BMEDIA.

8. Badisa Trio: Geskenkpapier

Ons herinner graag aan Badisa Trio van Kraaifontein se unieke geskenkpapier. Die ontwerpe is deur kinders self gedoen en die papier (A3 grootte) is beskikbaar teen R15 vir ’n stel van 3. Voorbeelde en meer inligting is by Stella Opperman by stellapresent@gmail.com of skakel 021 987 2940. Ondersteun gerus hierdie poging: jou bydrae help om kinders te beskerm, op te voed en te versorg! Die bestelvorm is bywww.kaapkerk.co.za – Nuutste Gebeure.

C. EKOLOGIE

Christene Betrokke by die Omgewing

A Rocha Suid-Afrika – Christene betrokke by die omgewing – nooi belangstellendes uit na ’n byeenkoms op Maandag 10 Desember om 18.00 by die Rosebank Metodiste Kerk, Chapellaan 2, Rosebank, Kaapstad. Die nuwe nasionale direkteur, Rest Kanju, sal praat oor die organisasie se visie 2013. Belangstellendes baie welkom. Vir verdere besonderhede skakel Carl Swart, cjswart@kaapkerk.co.za of 082 908 9825. Besoek gerus ook www.arocha.org.

D. NUUSBRIEWE EN PAMFLETTE

1. Decoligny Nuusbrief

In Willem en Annalie Botes se laaste nuusbrief vir 2012 is onder meer nuus oor die Xhosa Radiodiens van die SAUK wat beplan om op 19 Desember Sinethemba te kom besoek en vir die kinders wat agterbly, ‘n braaivleis te reël. Hulle wil dan ‘n program oor Sinethemba uitsaai. Elkeen wat Decoligny so getrou ondersteun, word ook bedank. Lees die nuusbrief onderaan.

2. Bybel-Media Nuusbrief

Die laaste nuusbrief vir 2012 fokus op vier BM-publikasies (twee Bybelstudies, een kategete-hulpmiddel en ’n eg teologiese bydrae) én die laaste Kerkbode van die jaar. Hier is meer.

3. Nuus vanaf CLF: Week van Gebed 2013

Amanda Carstens van CLF skryf: Die Heidelbergse Kategismus gee vir ons baie belangrike perspektief op gebed, met die fokus op die gebed van Jesus Christus, die Ons Vader. Die 2013 Week van Gebed sluit spesifiek by hierdie afdeling in die Heidelbergse Kategismus aan – lees onderaan meer hieroor, sowel as oor ander produkte beskikbaar.

4. L’Chaim, Nuusbrief van die Simcha-bediening aan Jode

Lees in L’Chaim, Nuusbrief van die Simcha-bediening aan Jode, waarom Jode die Hanoeka-fees in Desember vier, wanneer Christene Kersfees vier – en waarom Joodse tradisies deesdae hoogmode onder Christene is. Hier is ’n uittreksel uit hulle jongste nuusbrief.

5. Missie Japan Adventsflits

Stephan stuur hierdie keer net enkele sinne oor hulle werk en lewe in Japan gedurende November – klik hier. Die volledige nuusbrief met pragfoto’s is by www.kaapkerk.co.za.

E. FUNKSIES EN FEESTELIKHEDE

1. NG Gemeente Outeniqualand: Glentana Somerbasaar

NG Outeniqualand hou weer sy jaarlikse tradisionele Glentana Somerbasaar op Woensdag 19 Desember om 13:00. Dit vind plaas op die terrein van die Glentana Kerksaal (Kobus Hattinghsaal). Maak gerus daar ’n draai in die vakansie – lees onderaan meer oor hierdie groot poging!

2. NG Gemeente Suidpunt: Basaar

Struisbaai se jaarlikse vakansie-basaar vind op 20 en 21 Desember in die kerksaal op Struisbaai plaas. Dit word voorafgegaan deur ’n Kersmark van 6 – 15 Desember in die kerksaal op L’Agulhas. Daar gaan lekker gekuier en feesgevier word, laat weet Dirk Kleinschmidt.

F. VAKATURES

Die amptelike bekendmaking van vakatures vir predikante verskyn op Kerkbode se webblad by http://www.kerkbode.co.za. Klik by Amptelik – Vakatures.

VGK Gemeente Retreat: Orrelis

Aansoeke word ingewag vir die pos van orrelis in die VGK Gemeente Retreat. Aansoeke met ’n volledige CV moet voor 14 Desember 2012 by die kerkkantoor ingehandig word of na Posbus 413, Retreat 7645 gepos word. Merk dit asseblief duidelik “Orrelis”. Aansoekers sal beskikbaar moet wees vir ‘n onderhoud. Diensaanvaarding is 1 Januarie 2013 of so gou moontlik daarna. Meer inligting is by die kerkkantoor by 012 712 4905.

Ten slotte

We honour, restore and uphold the dignity and worth of every human being. Ons eerbiedig, herstel en onderskryf die menswaardigheid van elke mens.

So vertel Aneleh Fourie-Le Roux van die Vigstaakgroep van die NG Kerk (Wes-Kaap) en die VG Kerk (Kaapland), oor die uitgangspunt van CABSA, die Christen Vigsburo van Suidelike Afrika. Want, sê The Message in Gen. 1:26: “God spoke: ‘Let us make human beings in our image, make them reflecting our nature’”. Na die beeld van God – so is elkeen van ons geskape – om God se natuur te reflekteer.

‘n Geseënde Kerstyd en voorspoedige 2013 toegewens.

Ben du Toit

Marieta Mundell

NS Hierdie is die laaste VrydagNuus van 2012. Die volgende uitgawe is dié van 18 Januarie 2013. Die sinodale kantore se sluitingstye word onderaan herhaal.

Sentrum vir Kommunikasie
Privaatsak X8, Bellville, 7535
Tel: 021 957 7195
Faks: 021 957 7197
kommunikasie@kaapkerk.co.za

GKS, Posbus 3322, Matieland, Stellenbosch, 7602 of philipb@sun.ac.za

Suksesvolle kandidate kan van ruim ondersteuning voorsien word.

Kerkrade

Lidmate en leraars word aangemoedig om ook by hulle kerkrade aansoek te doen vir finansiële ondersteuning.

Deposito: R500 deposito is betaalbaar voor 25 Februarie 2013.

Bekendstellingsnaweek vir besoekers: 24-26 Mei 2013

Gesien in die lig van die behoefte om die kursus ook op ander plekke in SA aan te bied, gaan die geskeduleerde kursus op 25 Mei (in die Kaap), deel vorm van ’n bekendstelling / wegbreek naweek om belangstellendes aan die kursus bloot te stel.

Indien u belangstel om die kursus ook in u omgewing in 2014 te laat aanbied, doen navraag oor die bekendstellingsnaweek by Philip Botha, 082 823 2272, philipb@sun.ac.za 

Struktuur van die kursus

In Kaapstad sal die kursus uit 4 Saterdae (1 per kwartaal) en 12 Dinsdagaande bestaan. Dit begin op 9 Maart 2013.

In George sal die kursus op 8 Saterdae (1 per maand vanaf 20 April tot November) aangebied word.

Akkreditasie

’n Sertifikaat sal deur die Teologiese Fakulteit aan suksesvolle kursusgangers tydens ’n akkreditasie geleentheid oorhandig word. Minstens 20 modules moet bygewoon word. Geen eksamen word geskryf nie, wel lees- en tuiswerk. Dertig VBO-punte kan verdien word.

Vir die volledige program, tye en temas, sien die volledige program.

Die datumlys is beskikbaar by www.kaapkerk.co.za onder Nuutste Gebeure.

Inskrywingsvorm en beurs aansoekvorm is by Ester beskikbaar: ngkvroue@sun.ac.za.

Navrae: philipb@sun.ac.za of 021 557 9776 of 082 823 2272.

Terug na Hoofblad.

————————————————————

GROEIENDE BYBELNOOD IN MADAGASKAR

Projek 5000 is in November suksesvol afgehandel. Weens verdere uitsonderlike groei van nuwe gemeentes asook ‘n nuwe besending Bybels wat tans in druk is, het hulle besluit om met Projek 5000-2 voort te gaan met die vertroue dat gemeentes en gelowiges in SA steeds sal hande neem.

Vroeër vanjaar is berig oor die kerkplantings- en lekeleraarsopleiding-projekte waarby die sendeling-egpaar, Wolf en Wenda Cilliers, betrokke is wat deur Vishoek NG kerk in 1996 na Madagaskar gestuur is. Besondere groei sedert 2007 het egter ook ’n groot “Bybelnood” veroorsaak. Saam met die berig was die versoek vir bydraes vir Projek 5000 met die doel om 5,000 Bybels te bekom. Hulle het die Bybels ontvang en spreek hulle dank uit teenoor die Here en almal wat bydraes gelewer het. Die afgelope maande was steeds daar verdere uitbreidings.

Hulle is by ’n kerkplantingsprojek in verafgeleë dorpe sonder gemeentes deur voltydse spanne betrokke. Sodra ’n nuwe gemeentetjie in wording is, word een persoon gekies wat oor bykans vier jaar opgelei word om as leraar te dien. Voorts is daar ’n aparte projek om gevestigde lekeleraars verder toe te rus. Bybels is onverkrygbaar in hierdie afgeleë gebiede en feitlik al die nuwe aspirant leraars is sonder Bybels. Dit is dus prioriteit om eers Bybels gratis aan hulle te voorsien. Die orige Bybels word teen gesubsidieerde prys aan nuwe lidmate verskaf.

Na ’n vraag deur ds Jaco Thom in Sept 2011 oor hoeveel Bybels benodig word, is bereken dat 6,000 Bybels nodig is om ten minste ’n Bybel vir elke huisgesin te voorsien. Maar waar kry mens soveel Bybels en die fondse daarvoor? ’n Maand later ontvang Wolf ’n oproep van mnr Simonis, die SA-verteenwoordiger van Glifa – ’n literatuurbediening in Europa. Hulle was besig om Malgassiese Bybels in Rusland te druk en kon dit in Madagaskar teen ’n goeie afslagprys voorsien. Die eerste aantal Bybels toe in Desember 2011 afgelewer.

Teen Februarie het hulle alreeds sowat 1,000 Bybels ontvang. Nadat aangekondig is dat ’n volgende besending in April en Mei gedruk sou word, is Projek 5,000 deur insette van ’n ondersteunende gemeente, NG Gemeente Piketberg, begin met die doel om die uitstaande Bybels te bekom. Die projek is ook in VrydagNuus en elders bekend gemaak en genoeg fondse is ontvang om die beoogde aantal Bybels aan te koop.

Die uitstaande getal 3,000 Bybels is in Augustus ontvang en deur hulle netwerke versprei. Daar is dus vanjaar bykans 6,000 Bybels bekom.

Daar was sedert die begin van die jaar egter verdere besondere groei en is die nood groter as ooit tevore. Teen September is ’n verdere 665 dorpies en 38,600 nuwe lidmate bereik. Sedertdien groei die aantal dorpies wat bereik word en akkurate syfers sal teen middel Desember met die volgende verslag beskikbaar wees. In Augustus is ook ’n nuwe kerkplantingspan in die noorde op die been gebring.

Die Glifa-bediening prosesseer reeds die volgende besending en Wolf-hulle moet teen 6 Januarie 2013 hul bestelling plaas asook ‘n 50% deposito plaas. Die Bybels sal DV in Maart of April in die nuwe jaar arriveer. Met die ontvangs moet hulle die uitstaande 50% bedrag betaal.

Met die verandering in wisselkoers sal dit sal nou effe duurder wees nl. R25.50 per Bybel – aflewering ingesluit. Hulle kort nog R82,000 – wat minder is as met die eerste Projek 5000.

Weens die toenemende nood en onverkrygbaarheid van Bybels in die afgeleë areas asook die besonder goeie prys sit hulle die projek nou asProjek 5000-2 voort – om sodoende die volgende 5,000 Bybels te bekom. Hulle het egter reeds ’n addisionele getal van amper 1,000 Bybels in Mei en Augustus bekom en dus is 4,000 Bybels uitstaande.

Hiermee doen hulle weer ’n beroep op gemeentes en lidmate om die saak te ondersteun. Mense kan tot 6 Januarie nog laat weet hoeveel hulle kan bydra. Indien donateurs nie teen 6 Januarie die volle bedrag vir hulle beoogde getal Bybels kan bydra nie, moet hulle asb. net sodanig by een van die onderstaande persone laat weet dat hulle die uitstaande 50% later sal betaal.

Bydraes kan inbetaal word by die “Cilliers Uitreik Fonds” wat deur die NG Gemeente Vishoek geadministreer word. Dis ’n ABSA-spaarrekening met nommer 916 441 1558 en takkode 632 005. Donasies moet asb. as “Bybels” en die persoon of gemeente se naam aangeteken word.

Navrae en bydraes kan gemeld word by een van die volgende persone:

Ds Martin Goosen van NGK Piketberg 022 913 1206 of mgoosen1@telkomsa.net

Ds Johan Smit van NGK Piketberg 022 913 1244 of jdsmit@kingsley.co.za

Ds Jan van Heerden van NGK Vishoek 021 782 2377 of jan@ngvishoek.co.za

Wolf Cilliers van Madagaskar Sending 021 863 3522 / 072 692 8064 / jwcilliers@yahoo.com.

Terug na Hoofblad.

————————————————————

UV FAKULTEIT TEOLOGIE

TEOLOGIESE KURSUSSE-AFDELING: WES-KAAP

Desember 2012

Gewone lidmate word bekostigbaar bemagtig

Die meeste gemeentes besef deesdae “Die oes is groot, maar die arbeiders min”(Matt 9:37) en dat die era aangebreek het waarin nie net pastore en predikante maar ook gewone gemeentelede (sel-leiers, Bybelstudie-leiers, beraders, kerkraadslede, kategete e.a.) bemagtig moet word om hierdie “oes” te gaan insamel. Dit is met hierdie doel voor oë dat die Fakulteit Teologie (UOVS) in samewerking met Radio Tygerberg nou al vir sewe jaar ‘n bekostigbare tweejarige Sertifikaatkursus in Teologie en Bediening aanbied (slegs R500 per semester). Lidmate kan selfs verder bemagtig word deur ’n addisionele Bybelse Hebreeuse kursus, wat gelowiges in staat stel om die Ou Testament in die oorspronklike grondtaal te kan lees! Talle studente het al met groot sukses en seen vir hulle gemeentes hierdie kursusse deurloop.

Hoogs-gekwalifiseerde dosente

Die verskillende kursus-modules word aangebied deur akademies goed gekwalifiseerde dosente met baie jare van doseer-ervaring by universiteite en Bybelskole. Hulle is proff Daan Cloete (N.T.), Pieter Els (O.T. en Hebreeus), Phil Robinson (Christelike leierskap, Missiologie en Sistematiese Teologie), dr Andries Cilliers (Praktiese Teologie), ds Andrew Esterhuizen, ds Marius van Schalkwyk (Jeugwerk) dr Adelbert Scholtz (Praktiese Teologie, Pastorale Sorg en Berading ens.) en dr Francois Swart(Kerkgeskiedenis, Beginsels van kerkregering, Ampte in die Kerk ens.) Die personeel van die Teologiese Fakulteit van die Universiteit van die Vrystaat wat hierdie kursusmateriaal opgestel het, is ook ervare en gerespekteerde dosente in hulle betrokke vakgebiede.

Goed-ingerigte lokale

Die lesings van die kursusse sal op ‘n weeklikse basis aangebied word in die kerksaal van die Bellville Wes gemeente, 8st Laan, Boston, Bellville op Donderdagaande vanaf 19:00 – 21:00. Daar word van studente verwag om gereeld hierdie lesings by te woon, want toetse sal ook van tyd tot tyd geskryf word om akademiese slaagsyfers te behaal. Die studie-notas is op die oomblik nog in Engels maar daar word tans daaraan gewerk om dit ook in Afrikaans beskikbaar te stel.

Bybelse Hebreeus

Benewens die bogenoemde Teologiese kursus word daar ook ‘n afsonderlike eenjarige kursus in Bybelse Hebreeus aangebied deur prof Pieter Els by die bogenoemde kerksaal op Dinsdae-oggende (08:30 – 10:15) of in die aand in Durbanville (Kontak prof Els hieroor) Hierdie kursus is gebaseer op ‘n “gebruikers-vriendelike” grammatikaboek en van die begin af word Bybeltekste in Hebreeus bestudeer. Studente word in staat gestel om in ongeveer 18 maande se tyd die Ou Testament te kan lees en te verstaan met behulp van woordeboeke en kommentare. Kostes hiervan is ook baie billik, nl slegs R80 per twee-uur lesing-sessie elke week!

Registrasie-inligting

Verdere navrae en inskrywing: Radio Tygerberg (021 936 8104 /086 110 4104) of prof Pieter Els (021 976 4817 / 083 285 2617).

Die registrasie en eerste lesings van die Teologiese Kursus vind plaas op Donderdagaand 24 Januarie 2013 (18:45) by bogenoemde kerksaal van Bellville Wes. Registrasiekoste is R 150 (as deel van die R 500 vir die semester).

Die registrasie en eerste lesing-sessie van die Hebreeuse kursus vind plaas op Maandagaand 30 Januarie 2013. Kontak prof Els persoonlik in verband met die doseer-lokaal vir die kursus in Bybelse Hebreeus. Registrasiekoste (vir fotokopiëring) beloop R 80.

Terug na Hoofblad.

————————————————————

BERADINGSKURSUS: TRAUMABERADING

Potchefstroom: Saterdag 9 Februarie 2013

Prof Wentzel Coetzer

Die klem in hierdie kursus is op die pastorale begeleidingsproses tot heling en herstel na krisis ervarings soos plaasmoorde, motorkapings, aanranding, verkragting, bankrowe, geweldsmisdaad, ens. Talle praktiese voorbeelde sal behandel word en ’n gebedsmodel met die klem op genesing van emosies en herinneringe sal ook bespreek word.

Die kursus word gerig enersyds op persone met ’n belangstelling in berading (leraars, maatskaplike werkers, jeugwerkers, pastorale beraders, ens), en andersyds ook op diegene wat moontlik self berading benodig na traumatiese ervarings.

Plek: Studente Hervormde Kerk – Silwerstraat 19 (net langs klein kragstasie)

Datum: Saterdag 9 Februarie 2013

Tyd: 08.00 – 13.00 (VBO-punte kan verdien word deur NG-leraars)

GPS koördinate: Suid: 26.41.590 – Oos: 27.5.079

Koste: R200 pp (sluit in sleutelnotas en verversings)

Egpare – R300

Handleiding te koop (opsioneel): R180 (posgeld: R20 ekstra)

Navrae en bespreking: 083 660 0409 of 018 294 7457 of wentzel7@mweb.co.za.

Terug na Hoofblad.

————————————————————

LIEDBOEKBEGELEIDING CD-STEL

Die oplossing vir eredienssang-begeleiding gedurende die Kersvakansie.

Die jaarlikse Kersvakansie is om die draai – vir baie iets wonderliks om na uit te sien. Maar dis baie keer juis die tyd wanneer gemeentes en predikante hande in die hare sit: die orrelis gaan ook met vakansie. Wie gaan nou die gemeentesang begelei?

Ons herinner weer aan die CD-stel van gemeentesang-begeleidings wat die Sinodale Kommissie vir die Erediens in die Vrystaat in samewerking met Bybel-Media saamgestel het.

Hierdie stel van CD’s bevat lekker dinamiese orrelbegeleidings van sowat 85 psalms en 441 liedere uit die Liedboek van die Kerk (altesaam 87,4% van die totaal) waarmee ‘n gemeente lekker kan saamsing.

Natuurlik kan CD-opnames nooit gemeentesang so effektief soos ‘n goeie orrelis begelei nie. Nogtans is hierdie opnames werklik ‘n wonderlike oplossing vir gemeentes wat by tye in die knyp is sonder ‘n orrelis.

KOSTE

• Volle pakket (11 gewone CD’s, die liedere in MP3-formaat en die Handleiding CD): Nou beskikbaar teen die spesiale prys van R400 (normale prys: R570).

• Kleiner pakket (1 CD met liedere in MP3-formaat, plus die Handleiding CD): NUUT! Beskikbaar teen R250.

WAAR KAN CD’s BESTEL WORD?

Die CD-pakket kan by Bybel-Media Handel bestel word op een van die volgende maniere:

•        Direkte bestellings: bestel@bmedia.co.za

•        E-aankope: www.bmedia.co.za (soek onder: Boeke / Gemeentehulp)

•        Deeloproepe: 0860 26 33 42 (0860 BMEDIA)

Ds Jacques Louw (Projekleier)

Sel: 082 487 7061

E-pos: jacques.louw@absamail.co.za 

Terug na Hoofblad.

————————————————————

BID: DECOLIGNY

2012-12-03

BID:

•        Vir elke prediker wat hierdie Kersfeestyd op die kansel sal staan en die boodskap van vrede sal verkondig. Bid dat dinge vlot sal verloop in die tyd wat ons met vakansie sal wees. •  Bid vir rustigheid hier op Decoligny. Daar loop ‘n storie dat die hoofman wat vroeër die grondbesetting georganiseer het, hierdie Desember weer gaan probeer om die grond van die kerk te beset.

INLIGTING:

•        Na ‘n vertraging, hoop ons dat die Werkswinkel by Sinethemba se geute môre opgesit sal word. Al die water koppelinge is klaar en dit sal vir die personeel en kinders wat die vakansie agterbly, baie help as daar genoeg water vir hulle is. ‘n Meisie wat by die Munisipaliteit van Mthatha werk en ‘n tyd gelede by Sinethemba besoek het, is besig om te kyk of daar nie dalk op ‘n manier hulp van die Munisipaliteit se kant kan kom rakende die water kwessie nie. Felicia sal môre weer ‘n vergadering by die Munisipaliteit bywoon om oor die saak te praat.

•        Die Xhosa Radiodiens van die SAUK beplan om op 19 Desember Sinethemba te kom besoek en vir die kinders wat agterbly, ‘n braaivleis te reël. Hulle wil dan ‘n program oor Sinethemba uitsaai.

DANK:

•        Ons wil graag namens Decoligny gemeente vir elke gemeente, elke Bybelstudiegroep, elke lidmaat, elke ondersteuner van waar ook al, wat gedurende die afgelope jaar die werk in die gemeente, asook by Sinethemba ondersteun het, baie baie dankie sê. Dankie vir jul voorbidding, vir jul kontak met ons, per epos, per telefoon, vir julle besoeke en uitnodigings om julle gemeentes te kom besoek, vir julle finansiële bydraes wat ons gehelp het om baie werk hierdie jaar te kon doen. Baie dankie vir al die bydraes tot die Decoligny Salaris rekening wat gemaak het dat ons kon aangaan met ons werk in die gemeente. Ons is baie bewus van die moeilike finansiële tye waarin talle gemeentes hulle bevind, maar daar is nog talle gemeentes wat voortgaan om die opdrag van die Here uit te voer deur te help met die uitbreiding van die werk van die Here in hierdie gebied waar ons werk. Dankie dat julle deur jul ondersteuning gehelp het dat ons baie aandag aan lidmaat opleiding vanjaar kon gee. Dankie dat ons op hierdie manier kon saamwerk in die koninkryk van die Here hier in die Transkei.

Mag elkeen van julle gedurende hierdie Kersfees seisoen die vrede waarvan die engele gesing het, beleef. Mag ons as kinders van die Here nie net soek na vrede nie, maar mag ons hierdie vrede van die Here gaan uitleef tussen so baie mense wat nie God se vrede het nie en wat dikwels op die verkeerde plekke vrede soek. Mag julle, as Decoligny se voorbidders, ‘n baie geseënde Kersfees beleef.

Ons is bevoorreg om met vakansie te gaan en dus sal hierdie BID Gebedsbrief DV eers weer gedurende Januarie verskyn.

Groete in Jesus.

Willem & Annalie Botes

047 531 6006 / 083 658 2154

pondo@wildcoast.com

www.decoligny.org.za

http://sinethembaskills.givengain.org 

Terug na Hoofblad.

————————————————————

BYBEL-MEDIA

NUUSBRIEF 20/2012

Jongste Publikasies… bestel nou vir 2013

G8 Verwoord en lewe wat jy glo

8 gesprekke voor belydenisaflegging

Die idee agter die G8-program is om die basiese leer van die kerk eenvoudig saam te vat. Jy kan maklik voel dat jy in die kategese oorweldig word deur al die feite, inligting en die verwerking daarvan.

Hierdie ontmoetings gaan vir jou ’n handvatsel gee om geloof te verstaan en dit prakties uit te leef.

G8 is saamgestel deur ’n paneel kenners in die kerk en ondersteun deur ’n raad van adviseurs.

In die werkboek (R 45,00 BTW ingesluit) word die agt temas uiteengesit: Geloof, Gebed, Gebooie, Genade-tekens, Godheid, Gemeenskap, Gawes van die Gees en Gestuurdes.

Die DVD (R115,50 BTW ingesluit) is die handleiding vir die groepleier. Verskeie video-snitte, drukstukke in pdf-formaat, PowerPoint-aanbiedings en ’n handleiding in Word maak deel uit van die handige pakkie.

Beskikbaar teen 7 Desember – bestel sommer dadelik, dan het jy dit betyds vir 2013.

Lewe op die kruis-pad

50 dae deur Markus vir die Lydenstyd

Reis met lydenstyd in 50 dae deur Markus. Markus vertel ’n aangrypende verhaal, Jesus is die hoofkarakter. Die konflik tussen Jesus en sy verskillende teenstanders, die bittere self-stryd van Jesus om die komende lyding en sterwe te aanvaar, en die onvermoë van sy volgelinge om sy lyding te verstaan, vorm die draad van die verhaal.

Dié Bybelstudiemateriaal en preke is in gemeentes getoets. Dit is saamgestel deur sewe bekende gemeenteleraars.

Die publikasie bevat sewe kleingroepbyeenkomste en 43 individuele Bybelstudies vir slegs R83,00 (BTW ingesluit).

Gratis preeksketse en PowerPoint-aanbiedings by www.bybelmedia.co.za.

‘n DVD met inleidings vir elke groepsessie kan afsonderlik gekoop word teen R49,00 (BTW ingesluit).

Belangrike hulpmiddel vir Lydenstyd 2013 – beskikbaar 7 Desember. Bestel dadelik!

Theology and Economics...dr Roelf Haan

The hermeneutical case of Calvin today

Theology and economics sets out a hermeneutical approach to Calvin’s faith based method of interpretation of economic reality. Calvin hails private property and fair contracts, but in themselves they do not constitute a well-composed economy – as they do not necessarily include the poor.

Lastly the author outlines some theological implications for the 21st century. Economic trade according to Calvin is intercommunication among people, not only Christian people.

Dr Roelf Haan is a native of The Netherlands and has his Ph.D. in economic sciences. He has worked for the Ministry of Finance in The Hague and he was also the technical assistant to the Dutch member of the Executive Board of the IMF in Washington D.C. After this, he became a Professor of Economics at the Free University in Amsterdam.

Selling price: R130,00 (hard copy) and R91,00 (e-book). Already available.

Kolossense

Die nuwe ou volkome onvolmaakte jy

Paulus se brief aan die Kolossense sal waarskynlik die belangrikste brief wees wat jy ooit sal lees. Hierdie brief is in die eerste eeu geskryf en het al miljoene mense oor die hele wêreld heen oor baie eeue heen diep geraak.

In hierdie brief ontdek ons Wie alles bymekaarhou, Wie ons verander en ons nuut maak – Jesus Christus, die lewende Seun van God – sodat ons vir ewig en altyd by God kan leef.

Ideale Bybelstudiemateriaal vir groepe. ‘n Gratis leiersgids vir kleingroepleiers is op die Bybel-Media se webwerf: www.bybelmedia.co.za beskikbaar.

Prys: R55,00 (BTW en posgeld ingesluit) – beskikbaar vanaf 14 Desember.

Lees in die laaste Kerkbode (7 Desember) van 2012

2012 NG Kerk se draaipunt

Die NG Kerk het ’n onomkeerbare draaipunt bereik in sy strewe om weg te beweeg van ’n kerk wat na binne gerig is, na ’n missionale kerk wat al hoe meer na buite gerig is.

So sê die moderator van die NG Kerk se vorige Algemene Sinode, prof Nelus Niemandt. “Dit is deel van die NG Kerk se denkskuif soos vervat in die 2002-sinode se roepingsverklaring. Daarin verbind die kerk hom onherroeplik tot die land, die kontinent en sy mense.”

Lees ook:

•        Waarom nog Geloftedag?

•        10 vrae aan Dana Snyman

•        Brande in Noord-Kaap: Gemeentes praat

Onthou:

•        Kerkbode kan nou ook digitaal gelees word op jou tablet, rekenaar of slimfoon. Teken in by www.mysubs.co.za/Kerkbode

•        Of besoek www.kerkbode.co.za om Kerkbode-aanlyn (beperkte weergawe) te lees.

Inligting, navrae en diensverskaffing:

•        Skakel 0860 26 33 42

•        Of stuur jou bestelling per e-pos na: bestel@bmedia.co.za

•        Of koop direk met jou kredietkaart op die webtuiste: www.bybelmedia.co.za 

Mag jy ‘n geseënde Kerstyd beleef.

Hans Steyn

Departement Fondswerwing

E-pos: hans@bmedia.co.za

Tel: 021 864 8223

Terug na Hoofblad.

A Featured Review of Our God is Undocumented:Biblical Faith and Immigrant Justice.
Ched Myers and Matthew Colwell.
Paperback: Orbis Books, 2012.
Buy now: [ Amazon ]

Read the review by Jonathan Felton on Englewood Book Review.

Read the review by Bob Cornwall on Englewood Book Review.

A Review of Between Heaven and Mirth: Why Joy, Humor, and Laughter Are at the Heart of the Spiritual Life

Read the review by Mark Eckel on Englewood Book Review.by James Martin, S.J.

Between Heaven and Mirth:
Why Joy, Humor, and Laughter
Are at the Heart of the Spiritual Life
James Martin, S.J.
Hardback: HarperOne, 2011.
Buy now: [ Amazon ] [ Kindle ]